स्वामी वाणी पुष्प ५८४(पर्व ४ थे भाग ८८)
प्रेरणादायी बोल
हे मना !! अपेक्षा ठेवायचीच असेल तर थेट स्वामींकडून ठेव.. बघ !! तुझा कधीच अपेक्षा भंग होणार नाही..!!
www.SwamiVaani.co.in
स्वामी भक्तहो.. आजच्या स्वामी वाणी तुन आपणस समज प्राप्त होते कि अपेक्षा ठेवायचीच असेल तर थेट स्वामींकडून ठेव.. यावंर आपण चिंतन मनन करायचे आहे हे खूप महत्वाचे आहे.. आपल्या मनात प्रश्न निर्माण होईल कि जर स्वामीं कडून अपेक्षा करायची तर मग इतरांकडून अपेक्षा करायची नाही का? असे नाही अपेक्षा करायची नाही पण अपेक्षा भंग झाला तरी वाईट वाटून नाही घ्यायचे…पहा समजा आपण एखाद्या व्यक्तीला मदत करता, तिचा आदर करता, तिला हवे नको ते सर्व देता.. त्याचे कधीच मन दुखावत नाही.. पण हे सर्व करत असताना आपल्या मनात हे विचार असतील कि भविष्यात हि व्यक्ती मला मदत करेल.. तर हे विचार म्हणजे देवघेव करण्याचे विचार झाले.. पण आपण मनात कोणतेच विचार न ठेवता समोरच्या व्यक्तीला मदत करत असेल तर हे आपले निस्वार्थ कर्म झाले.. आता भविष्यात त्या व्यक्ती ने मदत केली तर स्वामींची इच्छा.. आणि जरी त्या व्यक्तीने आपणस भविष्यात मदत नाही केली तरी हि स्वामींची इच्छा आहे हि समज आपणस ग्रहण करायची आहे.. कारण सर्वांना प्रेरणा देणारी तीच तर शक्ती आहे.. म्हणून आपणस जी काही अपेक्षा करायची आहे ती स्वामी कडून करायची आहे कारण स्वामी आपणस तेच देतात जे आपल्यासाठी योग्य आहे.. कारण जे आपल्या साठी अयोग्य आहे ते स्वामी कधीच देत नाहीत .. जेव्हा हा विचार आपल्या अंतर्मनात कोरला जातो.. तेव्हा आपणास कोणत्याच गोष्टीचे दुःख होत नाही… म्हणेजच आपला कधीच अपेक्षा भंग होत नाही.. कारण आपण जाणतो स्वामी तेच देतात जे आपल्यासाठी योग्य आहे..धन्यवाद स्वामी .. कोटी कोटी धन्यवाद… !